其實好多男仔都好怕另一伴不斷講野，而女仔亦好在意你有冇聽緊佢講野。大多數女仔都有好多野想表達出黎，無論大大小小都想分享比對方知，但佢地表達技巧非常不濟，毫無組織，諗到咩就講咩而且不斷重覆同一句意思。對於咁既情況，作為男仔嘅我地好多時都唔知點樣招架
話說我有個朋友，佢叫阿智，但佢唔係弱智，諗野反應轉數都幾快，起初都應付到佢女朋友嘅"千言萬語"，盡量都比到最好嘅回應比女友，但日子一長，慢慢開始無貨賣，亦都無心機再聽女友啲又八掛又無聊又悶嘅生活瑣碎事，於是請求我地商量有咩計!
阿明就提出一個好好嘅方法比阿智
阿明:『我上網睇到一個方法，嗱! 當你同你條女傾計個陣，你發覺你條女講野又無聊又白痴，但你又要比佢知道你聽緊佢講野而你又無貨賣時，你可以用我依招大絕! 包你終生受用!』
我地都好好奇咁問:『咩招咁巴閉?』
阿明:『就係從佢所講嘅野搵出一個重點字眼，姐係key words!咁就無問題!唔明? 我舉個例!』
女友: BB! 我好唔開心呀!
男友: 唔開心?
女友: 係呀! 琴晚細佬買左包薯片，我本來話食一塊就唔食!但最後忍唔住愈食愈多!唉! 好驚肥呀! 好唔開心呀!
男友: 驚肥?
女友: 係呀! 最近我肥左好多呀! 唉! 我要減肥先得呀!
男友: 減肥?
女友: 係呀! 我諗住每日就去..XXXXXXXXX
阿明:『之後就可以由個女人自己係到單機講哂佢地要講既野就得! 等你覺得佢唔係講緊廢話你就選擇真心回應佢!』
阿明依番說話令我地恍然大悟，即刻拍爛手掌，腦海開始模擬一次平次點同另一伴傾計，發覺真係work! 於是阿智反復練習，覺得依個發明簡直要拎諾貝爾獎!
直至第二日，當阿明早左放工，輕輕鬆鬆坐係電腦面前正想打LOL時侯，一段死亡追魂鈴聲響起，令到阿智個心寒左一寒，因為佢知道依個時侯正正就係佢女朋友放工等車搭車嘅垃圾時間，佢準備要由今早起身做過咩春事都由頭講一次比阿智聽。
但依刻阿智諗起琴晚阿明教落嘅野，即刻充滿信心，一邊拎起電話一邊登入LOL!
女友:『喂!阿智!放左工呀?做緊咩呀?』
阿智心諗:『八婆!咩你對我嘅事有興趣咩?』
阿智:『無呀! 我今日返工做錯野比老細罵!好慘!』
女友:『係咩? 咁你下次唔好做錯啦! 唉! 你知唔知我今日呀! 我呢.....(下刪N個字)』
阿智心諗:『屌!真係咁!又係到講自己野!又唔知佢講咩柒野!唔緊要!我出大絕!』
女友:『唉! 好肚餓呀! 好想快啲返屋企!』
阿智:『肚餓?』
女友:『係呀。』
阿智:『係呀?......咦?』
女友:『.......?』
阿智:『.......(屌)』
Search